កំពង់ឆ្នាំង៖កសិដ្ឋានចិញ្ចឹមចៀមមួយកន្លែងនៅក្នុងខេត្តកំពង់ឆ្នាំងគ្រោងនឹងបង្កើនការចិញ្ចឹមសត្វដើម្បីឆ្លើយតបទៅនឹងទីផ្សារក្នុងស្រុកនាពេលបច្ចុប្បន្ន។ម្ចាស់កសិដ្ឋានចិញ្ចឹមសត្វចៀមឈ្មោះប៊ុនចាន់វិរៈបានឱ្យដឹងថា៖លោកនិងក្រុមគ្រួសារបានផ្លាស់មកនៅទីតាំងដែលលោកកំពុងរស់នៅនេះ៥ឆ្នាំមកហើយ។ស្ថិតនៅដាច់ស្រយាលម្តុំជួរភ្នំឱរ៉ាល់ជាប់ព្រំប្រទល់ខេត្តកំពង់ស្ពឺនៅក្នុងក្នុងភូមិខ្វិតទួលឃ្លាំងឃុំក្បាលទឹកស្រុកទឹកផុសខេត្តកំពង់ឆ្នាំង ដើម្បីចិញ្ចឹមសត្វនិងដើមឈើហូបផ្លែ។
សត្វចៀមភាគច្រើន ត្រូវបានគេដាក់ចិញ្ចឹមនៅតាមបណ្ដាប្រទេសផ្សេងៗដែលជាតំបន់ត្រជាក់ ។ដោយឡែកសម្រាប់ប្រទេសកម្ពុជាពុំសូវមានអ្នកចិញ្ចឹមសត្វនេះទេដោយសារតែប្រទេសកម្ពុជាជាប្រទេសស្ថិតនៅក្នុងតំបន់ក្តៅ។ម្យ៉ាងទៀតពិបាកក្នុងការនាំចូលពូជពីបរទេសដើម្បីយកមកចិញ្ចឹម។
ម្ចាស់កសិដ្ឋានបានឱ្យដឹងទៀតថាសត្វចៀមរបស់លោកទាំងតូចទាំងធំមានចំនួន១០០ក្បាលដែលពីមុនលោកបានដាក់ចិញ្ចឹមដំបូងចំនួន១០ក្បាលលាយជាមួយនិងសត្វពពែ។ក្រោយមកលោកបានឈប់ចិញ្ចឹមសត្វពពែដោយសារតែលោកមើលឃើញថាការចិញ្ចឹមជាមួយគ្នារស់នៅក្នុងក្រោលជាមួយគ្នាសត្វពពែមានជំងឺច្រើន។រហូតដល់ងាប់ទៀតដោយឡែកសត្វចៀមវិញមិនមានជំងឺឆ្លងហើយងាយចិញ្ចឹមទៀត ។
លោកបានបញ្ជាក់ថាចៀមញីមួយក្បាលតម្លៃក្បាល៣០០ដុល្លារ។ដោយឡែកចៀមឈ្មោលដែលត្រូវលក់ជាសាច់វិញក្នុង១គីឡូក្រាមតម្លៃ៧ដុល្លារក្នុងនោះចៀម១ក្បាលទម្ងន់៣០គីឡូក្រាមឡើងទៅ ។សម្រាប់ចៀមដែលត្រូវបានទិញយកទៅបង្កាត់ពូជ និងសត្វចៀមឈ្មោលចិញ្ចឹមយកសាច់វិញ គឺមានអាយុពី៦ទៅ៨ខែគេអាចចាប់លក់បានហើយ។
ពេលនេះលោកនិងក្រុមគ្រួសារកុំពុងតែរៀបចំពង្រីកបន្ថែមទៀតដោយសារផ្ទៃដីរបស់លោកធំទូលាយអំណោយផលដល់ការចិញ្ចឹមចៀមដើម្បីបម្រើតម្រូវការក្នុងស្រុកដែលលក្ខណៈពិសេសងាយស្រួលចិញ្ចឹមតម្លៃនៅលើទីផ្សារថ្លៃជាងសាច់ផ្សេង។ណាមួយការចិញ្ចឹមចៀមនៅប្រទេសយើងមិនមានច្រើននោះឡើយ ។
សម្រាប់នៅក្នុងខេត្តកំពង់ឆ្នាំងគឺមានតែកសិដ្ឋានរបស់លោក១ប៉ុណ្ណោះដូចនេះកសិដ្ឋានរបស់លោកអាចបង្កើតជាពូជល្អៗដែលសម្រាប់តម្រូវការខ្ពស់។ចំណុចទាំងអស់នេះហើយដែលបានជម្រុញឱ្យលោកធ្វើការពង្រីបន្ថែម។លោកបានអំពាវនាវដល់ប្រជាកសិកនាំគ្នាចិញ្ចឹមសត្វចៀមប្រភេទសត្វនេះងាយស្រួលចិញ្ចឹម។
ពិសេសធានាបាននូវជំងឺឆ្លងផ្សេងនិងបង្កើនជីវភាពរសនៅបានល្អផងដែរណាមួយ នៅខេត្តកំពង់ឆ្នាំងយើងនេះមិនទាន់មានអ្នកចិញ្ចឹមត្វចៀមនេះឡើយ៕