ភ្នំពេញ៖មន្ត្រីជំនាញនៃគណៈកម្មការមូលបត្រកម្ពុជា(គ.ម.ក)ជាង៣០រូបបានទទួលការបណ្តុះបណ្តាលស្តីពីជំនាញការទូតនិងទំនាក់ទំនងអន្តរជាតិកាលពីរសៀលថ្ងទី១៩មិថុនាឆ្នាំ២០២០នៅវិទ្យាស្ថានជាតិការទូត និងទំនាក់ទំនងអន្តរជាតិ។
វគ្គបណ្តុះបណ្តាលនេះ ត្រូវបានរៀបចំឡើងក្នុងគោលបំណងផ្តល់នូវជំនាញផ្នែកទន់សម្រាប់មន្ត្រីនៃ គ.ម.ក.ពាក់ព័ន្ធនឹងការងារការទូតនិងទំនាក់ទំនងអន្តរជាតិដែលមានរយៈពេល៥៧ម៉ោង។បណ្តុះបណ្តាលផ្តោតសំខាន់ទៅលើ៖១.ប្រវត្តិសញ្ញាណនិងទ្រឹស្តីទំនាក់ទំនងអន្តរជាតិ។២.ភូមិសាស្ត្រនយោបាយកម្ពុជា។៣.ការឈ្វេងយល់ស្ថានការណ៍ក្នុងតំបន់និងពិភពលោក។
៤.គោលនយោបាយការបរទេសកម្ពុជា។៥.ការកត់ត្រានិងការសរសេររបាយការណ៍។៦.ការតាមដានបច្ចុប្បន្នភាពនិងការវិភាគព័ត៌មានអន្តរជាតិនិង៧.ជំនាញចរចាពិធីការការទូតនិងអតិថិវិន័យជាដើម។ដើម្បីតាមដានពីវឌ្ឍនភាពរបស់អន្តរជាតិទាំងក្នុងតំបន់និងពិភពលោកដែលនឹងជំរុញនិងលើកកម្ពស់ស្តង់ដារនៃការអនុវត្តការងាររបស់គ.ម.ក.ឱ្យកាន់តែប្រសើរឡើងថែមទៀត។
សូមជម្រាបថាគ្រូឧទ្ទេសសម្រាប់កម្មវិធីបណ្តុះបណ្តាលនេះសុទ្ធតែមានបទពិសោធន៍ច្រើនឆ្នាំពាក់ព័ន្ធនឹងផ្នែកការងារការទូតនិងទំនាក់ទំនងអន្តរជាតិដែលមកពីក្រសួងការបរទេសនិងសហប្រតិបត្តិការអន្តរជាតិ,គណៈកម្មាធិការជាតិរៀបចំបុណ្យជាតិនិងអន្តរជាតិ,និងក្រសួងសេដ្ឋកិច្ចនិងហិរញ្ញវត្ថុនៃព្រះរាជាណាចក្រកម្ពុជា។
លោកស៊ូសុជាតិអគ្គនាយកនៃគណៈកម្មការមូលបត្រកម្ពុជា,បណ្ឌិតឈីវយីស៊ាងរដ្ឋលេខាធិការក្រសួងការបរទេសនិងសហប្រតិបត្តិការអន្តរជាតិ។លោក ទាន សំណាង ប្រធានវិទ្យាស្ថានជាតិការទូត និងទំនាក់ទំនងអន្តរជាតិ បានអញ្ជើញចូលរួមក្នុងពីធីបើកវគ្គបណ្តុះបណ្តាលនេះ៕