ព័ត៌មានជាតិ

គយកម្ពុជា និងដៃគូអភិវឌ្ឍផ្សព្វផ្សាយស្តីពីលទ្ធផលនៃការសិក្សារយៈពេលបំពេញបែបបទបញ្ចេញទំនិញ

ភ្នំពេញ ៖ នាថ្ងៃព្រហស្បតិ៍ ១០ កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែកក្កដា ឆ្នាំ២០២០ នៅសណ្ឋាគារ Raffles Le Royal មានប្រារព្ធសិក្ខាសាលាផ្សព្វផ្សាយស្តីពី លទ្ធផលនៃការសិក្សារយៈពេលបំពេញបែបបទបញ្ចេញទំនិញ ឆ្នាំ២០១៩ (Time Release Study-2019) ដែលរៀបចំដោយអគ្គនាយកដ្ឋានគយនិងរដ្ឋាករកម្ពុជា សហការជាមួយធនាគារអភិវឌ្ឍន៍អាស៊ី (ADB), ទីភ្នាក់ងារសហប្រតិបត្តិការអន្តរជាតិជប៉ុន (JICA) និងអង្គការគយពិភពលោក (WCO)។ សិក្ខាសាលានេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្ដមបណ្ឌិត គុណ ញឹមប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានគយនិងរដ្ឋាករកម្ពុជា មានការចូលរួមពីចម្ងាយតាមរយៈ Video Conference ពីតំណាងធនាគារអភិវឌ្ឍន៍អាស៊ី, ទីភ្នាក់ងារសហប្រតិបត្តិការអន្តរជាតិជប៉ុន, អង្គការគយពិភពលោក និងចូលរួមដោយផ្ទាល់ពីតំណាងក្រសួង-ស្ថាប័នពាក់ព័ន្ធរួមមានក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍, ក្រសួងកសិកម្ម រុក្ខាប្រមាញ់ និងនេសាទ, ក្រសួងពាណិជ្ជកម្ម, ក្រសួងសុខាភិបាល, ក្រុមប្រឹក្សាអភិវឌ្ឍន៍កម្ពុជា, កំពង់ផែស្វយ័តក្រុងព្រះសីហនុ, កំពង់ផែស្វយ័តភ្នំពេញ, សភាពាណិជ្ជកម្មកម្ពុជា, សមាគមធុរកិច្ចជប៉ុនប្រចាំនៅកម្ពុជា, សមាគមរោងចក្រកាត់ដេរនៅកម្ពុជា, សមាគមភស្តុភារកម្មកម្ពុជា […]

ព័ត៌មានជាតិ

កិច្ចប្រជុំសាមញ្ញលើកទី១៤ ឆ្នាំទី២ អាណត្តិទី៣របស់ក្រុមប្រឹក្សាខេត្តស្វាយរៀង

ខេត្តស្វាយរៀង ៖ នាព្រឹកថ្ងៃព្រហស្បតិ៍ ១០កើត ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៣០ ខែកក្កដា ឆ្នាំ២០២០នេះ នៅសាលប្រជុំសាលាខេត្តស្វាយរៀងមានរៀបចំកិច្ចប្រជុំសាមញ្ញលើកទី១៤ ឆ្នាំទី២ អាណត្តិទី៣របស់ក្រុមប្រឹក្សាខេត្តស្វាយរៀង។ កិច្ចប្រជុំនេះធ្វើឡើងក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និងឯកឧត្តម ម៉ែន វិបុល អភិបាល នៃគណៈអភិបាលខេត្ត ព្រមទាំងមានការអញ្ជើញចូលរួមពី ឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត លោកនាយករដ្ឋបាលសាលាខេត្ត លោកប្រធានមន្ទីរព័ត៌មានខេត្ត លោកប្រធានមន្ទីរសុខាភិបាលខេត្ត លោកប្រធានមន្ទីររ៉ែ និងថាមពលខេត្ត លោក លោកស្រីនាយក នាយករងទីចាត់ការ/អង្គភាព និងប្រធានការិយាល័យចំណុះសាលាខេត្ត សរុបវត្តមានចំនួន៥០នាក់។ របៀបវរៈ នៃកិច្ចប្រជុំនេះមាន ៖ ១- ពិនិត្យ និងអនុម័តលើសេចក្តីព្រាងកំណត់ហេតុ នៃកិច្ចប្រជុំសាមញ្ញលើកទី១៣។ ២- ពិនិត្យនិងអនុម័តរបាយការណ៍បូកសរុបលទ្ធផលការងារប្រចាំខែកក្កដា និងទិសដៅការងារខែសីហា ឆ្នាំ២០២០របស់រដ្ឋបាលខេត្ត។ ៣- ស្តាប់ការបកស្រាយរបស់ប្រធានមន្ទីររ៉ែ និងថាមពលអំពីវិធានការលើទីតាំងស្ថានីយ៍ប្រេងឥន្ទន ដែលគ្មានច្បាប់អនុញ្ញាត […]

ព័ត៌មានជាតិ

រីករាយ​ទិវា​ឧ​ទ្យា​នុ​រក្ស​ពិភពលោក

ភ្នំពេញ៖​ទិវា​ឧ​ទ្យា​នុ​រក្ស​ពិភពលោក​បាន​ប្រារព្ធ​ឡើង​ចាប់តាំងពី​ឆ្នាំ​២០០៧​មកម្ល៉េះ​ដោយ​កំណត់​យក​ថ្ងៃទី​៣១​ខែកក្កដា​ជា​រៀងរាល់ឆ្នាំ​។​ការចាប់ផ្តើម​ប្រារព្ធ​ទិវា​ឧ​ទ្យា​នុ​រក្ស​ពិភពលោក​លើកដំបូង ត្រូវបាន​ប្រារព្ធ​ឡើង​ចំ​ថ្ងៃ​ខួប​លើក​ទី​១៥ នៃ​ការបង្កើត​សហព័ន្ធ ឧ​ទ្យា​នុ​រក្ស អន្តរជាតិ ថ្ងៃទី​៣១ ខែកក្កដា ឆ្នាំ​២០០៧​សម្រាប់​ប្រទេស​កម្ពុជា​។​ យោងតាម​គេហ​ទំ​ព​រ៌​(website)​ក្រសួងបរិស្ថាន​បានឱ្យដឹង​ទៀតថាៈ ក្រសួងបរិស្ថាន​បាន​ប្រារព្ធ​ទិវា​នេះ​ឡើងជា​លើកដំបូង​នៅ​ឆ្នាំ​២០១៧​ដោយមាន​ការចូលរួម​ពី​បណ្តា​ស្ថាប័ន​ពាក់ព័ន្ធ​អង្គការ​ជាតិ​និង​អន្តរជាតិ​ព្រះសង្ឃ​សិស្សានុសិស្ស​សហគមន៍​មូលដ្ឋាន​សាធារណជន និង​ស្ថាប័នឯកជន​នានា​យ៉ាងច្រើន​។ ទិវា ឧ​ទ្យា​នុ​រក្ស​ពិភពលោក ប្រារព្ធ​ឡើង​ក្នុង​គោលបំណង​៖ -​ផ្តល់​គុណ​តម្លៃ​និង​លើកទឹកចិត្ត​ដល់​មន្ត្រី​ឧ​ទ្យា​នុ​រក្ស​ដែល​បាន​តស៊ូ​លះបង់​និង​បូជាជីវិត​ដើម្បី​បុព្វហេតុ​បរិស្ថាន​និង​ធនធានធម្មជាតិ​។​-​លើកកម្ពស់​ការយល់ដឹង​របស់​សាធារណជន​អំពី​តួនាទី​របស់​មន្ត្រី​ឧ​ទ្យា​នុ​រក្ស​នៅ​កម្ពុជា​អំពី​ការតស៊ូ​លះបង់​របស់​មន្ត្រី​ឧ​ទ្យា​នុ​រក្ស​ក្នុងការ​ថែរក្សា​ការពារ​និង​អភិរក្ស​ធនធានធម្មជាតិ​និង​បរិស្ថាន​ប្រកបដោយ​សេចក្តី​អង់អាច​ក្លាហាន​។​-​ជំរុញ​និង​លើកទឹកចិត្ត​សាធារណជន​ចូលរួម​ជាមួយនឹង​មន្ត្រី​ឧ​ទ្យា​នុ​រក្ស​ដើម្បី​ការពារ​និង​គ្រប់គ្រង​ធនធានធម្មជាតិ​និង​បរិស្ថាន​ប្រកបដោយ​និរន្តរភាព​៕     

ព័ត៌មានជាតិ

ឧត្តមសេនីយ៍ឯក ហ៊ុន ម៉ាណែត ៖ កងពលតូចទ័ពពិសេសឆត្រយោង៩១១ ត្រូវបានបន្ថែមប្រវត្តិសាស្រ្តថ្មី ប៉ុន្តែនៅរក្សាបេសកកម្មដដែល

ភ្នំពេញ ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោកបានថ្លែងថា កងពលតូចទ័ពពិសេសឆត្រយោង៩១១ ត្រូវបានបន្ថែមប្រវត្តិសាស្រ្តថ្មី ប៉ុន្តែនៅរក្សាបេសកកម្មដដែល។ ឯកឧត្តមថ្លែងបែបនេះក្នុងពិធីប្រកាសជាផ្លូវការនៃការកែសម្រួលកងពលតូចទ័ពពិសេសឆត្រយោង៩១១ ទៅជាបញ្ជាការដ្ឋានទ័ពពិសេស ចំណុះបញ្ជាការដ្ឋានកងទ័ពជើងគោក តាមអនុក្រឹត្យលេខ១២២ អនក្រ.បក ដែលត្រូវបានប្រារព្ធធ្វើ នាថ្ងៃទី២៩ ខែកក្កដា ឆ្នាំ២០២០ម្សិលមិញ។ ឯកឧត្តម ហ៊ុន ម៉ាណែត បានលើកឡើងថា កងពលតូចទ័ពពិសេសឆត្រយោង៩១១ បានស្ថិតក្នុងដំណាក់កាលប្រវត្តិសាស្ត្រថ្មីមួយទៀត ដោយទទួលបានការកែសម្រួលផ្តើមពីកងអនុសេនាធំកងទ័ពឆត្រយោងក្នុងឆ្នាំ១៩៤៨ និងបានក្លាយជាកងវរសេនាធំនៅក្នុងឆ្នាំ១៩៩៥ និងជាកងពលតូចនៅក្នុងឆ្នាំ១៩៩៩ ហើយបានក្លាយជាបញ្ជាការដ្ឋានទ័ពពិសេសក្នុងឆ្នាំ២០២០នេះ ដែលជាឆ្នាំពិសេសមួយ ព្រោះជាមួយនឹងទំនុកចិត្តរបស់រាជរដ្ឋាភិបាលក្នុងការរៀបចំជាកងអន្តរាគមន៍ក្នុងកម្រិតរចនាសម្ព័ន្ធចាត់តាំងថ្មី កងពលក៏ទទួលបាននូវការបំពាក់ឯកសណ្ឋានថ្មី ដែលរចនាដោយនាយទាហានរបស់អង្គភាពផ្ទាល់។ ប៉ុន្តែបេសកកម្ម គឺនៅដដែល គឺការហ្វឹកហ្វឺនពង្រឹងកម្លាំង និងត្រៀមអនុវត្តបទបញ្ជា ដើម្បីការពារបូរណភាពទឹកដី ការពារសុខសន្តិភាព ក៏ដូចជាការចូលរួមជួយសង្គ្រោះប្រជាពលរដ្ឋ។ ឯកឧត្តម ហ៊ុន ម៉ាណែត បានបន្តថា នេះគឺជាជំហានថ្មីមួយទៀតប្រកបដោយមោទនភាពសម្រាប់កងយោធពលខេមរភូមិន្ទ, សម្រាប់កងទ័ពជើងគោក ក៏ដូចជាសម្រាប់កងពលតូចទ័ពពិសេសឆត្រយោង៩១១ផ្ទាល់ ហើយក៏បានបង្ហាញឱ្យឃើញការទទួលស្គាល់សមត្ថភាព, ឆន្ទៈ និងការខិតខំប្រឹងប្រែងក្នុងការបំពេញភារកិច្ចកន្លងមករបស់យោធិនទូទាំងអង្គភាព។ សំខាន់ផងដែរនោះ គឺក្នុងនាមជាបញ្ជាការដ្ឋានទ័ពពិសេស ចំណុះកងទ័ពជើងគោក ដែលទទួលភារកិច្ចជាទ័ពជំនាញ […]

ព័ត៌មានជាតិ

ប្រព័ន្ធ​ស្បៀង​បម្រុង​កម្ពុជា​ផ្តល់គ្រាប់ពូជ​បន្លែជូនកសិករ​២១.១៧៨​គ្រួសារ​មកពី​ស្រុក​ចំនួន​៣​

សៀមរាប​​៖កាលពី​ថ្ងៃទី​២៨​ខែកក្កដា​ឆ្នាំ​២០២០ប្រព័ន្ធ​ស្បៀង​បម្រុង​កម្ពុជា​(​ប​.​ស​.​ប​.​ក​)បានផ្តល់គ្រាប់ពូជ​បន្លែជូន​ប្រជាកសិករ​ចំនួន​២១.១៧៨​គ្រួសារ​មកពី​ស្រុក​ចំនួន​៣​គឺ​ស្រុក​ស្រីស្នំ​,​ស្រុក​វ៉ារិន​,​និង​ស្រុក​អង្គរជុំ​​ដោយ​ឥតគិតថ្លៃ​ពី​។​​ការចែក​គ្រាប់ពូជ​បន្លែ​នេះ​បាន​ធ្វើឡើង​​ស្ថិតនៅ​វត្ត​ជ្រោយ​នាង​ងួន​ស្រុក​ស្រីស្នំ​ខេត្តសៀមរាប​។​ ការផ្តល់គ្រាប់ពូជ​បន្លែនេះមាន​ការចូលរួម​ពី​លោក​បណ្ឌិត​វង់​សណ្តាប់​រដ្ឋលេខាធិកា​រ​ក្រសួង​សេដ្ឋកិច្ច​និង​ហិរញ្ញវត្ថុ​និង​ជា​ប្រធាន​លេខាធិការដ្ឋាន​គណៈកម្មាធិកា​រ​គ្រប់គ្រង​ប្រព័ន្ធ​ស្បៀង​បម្រុង​កម្ពុជានិង​លោក ង៉ាន់​ភិ​រុណ អភិបាលរង​ខេត្តសៀមរាប​។​ ​លោក​ង៉ាន់​ភិ​រុណ​អភិបាលរង​ខេត្ត​បាន​ថ្លែងថាៈ​គ្រាប់ពូជ​បន្លែ​នេះ​ចែកជូន​ដល់​កសិករ​និង​កម្មករ​ដែល​រង​ផលប៉ះពាល់​ពី​ជំងឺ​កូ​វីដ​-១៩ ដោយ​ឥតគិតថ្លៃ ដើម្បី​ជំរុញ​ការដាំដុះ​បន្លែ​សុវត្ថិភាព​”​ជា​លក្ខណៈ​គ្រួសារ​” ចំនួន ៣​ស្រុក ស្រុក​ស្រីស្នំ ស្រុក​វ៉ារិន និង​ស្រុក​អង្គរជុំ ដែលមាន​បងប្អូន​ប្រជាកសិករ​សរុប​ចំនួន ២១.១៧៨​គ្រួសារ ។​ ​លោក​បាន​បន្តថា​ការផ្តល់​គ្រាប់ពូជ​បន្លែ​ពី​ប្រព័ន្ធ​ស្បៀង​បម្រុង​កម្ពុជា​នេះ​គឺជា​ជំរុញ​ការដាំដុះ​បន្លែ​សុវត្ថិ​ភាពជា​លក្ខណៈ​គ្រួសារ​ជាការ​ជួយ​បង្កើត​ការងារ​និង​បង្កើន​ជីវភាព​ប្រចាំថ្ងៃ​ដល់ប្រជាពលរដ្ឋ​ដែលមាន​ជីវភាព​ខ្វះខាត​ងាយ​រងគ្រោះ​។​ជាពិសេស​គ្រួសារ​បងប្អូន​មួយចំនួន​ដែល​ត្រូវ​ផ្អាក​ពី​ការងារ​បងប្អូន​ចំណូលស្រុក​មកពី​ប្រទេសជិតខាង​ដោយសារតែ​វិបត្តិ​ជំងឺ​កូ​វី​១៩​ជាដើម​។ ​លោក​បណ្ឌិត​វង់​សណ្តាប់​រដ្ឋលេខាធិកា​រ​ក្រសួង​សេដ្ឋកិច្ច​និង​ហិរញ្ញវត្ថុ​ប្រធាន​លេខាធិការដ្ឋាន​ប្រព័ន្ធ​ស្បៀង​បម្រុង​កម្ពុជា​បានថ្លែងថាៈការអនុវត្ត​ប្រ​ព័​ន្ឋ​នេះ​គឺជា​ទស្សនវិស័យ​ដ៏​វែងឆ្ងាយ​របស់​រាជរដ្ឋាភិបាល​ដល់​ការលើកទឹកចិត្ត​និង​ជំរុញ​ចលនា​បង្កើន​ការដាំដុះ​ក្នុងស្រុក កាត់បន្ថយ​ការ​នាំចូល​បន្លែ​ពី​ប្រទេសជិតខាង ។​ ជាពិសេស​នោះ​គឺ​ផ្តោតទៅលើ​ការយកចិត្តទុកដាក់​ជាសំខាន់​ជួយ​ដល់​ប្រជាកសិករ​គោលដៅ​ជា​អាទិភាព ដែល​កំពុង​ប្រឈម​និង​ជីវភាព​ខ្វះខាត​ឱ្យមាន​លទ្ធភាព​រកប្រាក់​ចំណូល​គ្រួសារ តាមរយៈ​នៃ​ការដាំដុះ​ផលដំណាំ បន្ថែម​ពីលើ​ការងារ​បង្កបង្កើនផល​ស្រូវ​ស្រែ​នោះ​៕   

ព័ត៌មានជាតិ

ប្រកាសតែងតាំង និងចូលកាន់មុខតំណែងព្រះរាជអាជ្ញានៃអយ្យការអមសាលាដំបូងខេត្តកំពង់ចាម

ខេត្តកំពង់ចាម ៖ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌បានអញ្ជើញជាអធិបតីដ៏ខ្ពង់ខ្ពស់ ក្នុងពិធីប្រកាសតែងតាំង និងចូលកាន់មុខតំណែងព្រះរាជអាជ្ញានៃអយ្យការអមសាលាដំបូងខេត្តកំពង់ចាម ដែលពិធីនេះប្រព្រឹត្តទៅកាលពីរសៀលថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០។ ពិធីនេះក៏មានការអញ្ជើញចូលរួមពី ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម, ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម, សមាជិកនៃឧត្តមក្រុមប្រឹក្សានៃអង្គចៅក្រម, ថ្នាក់ដឹកនាំក្រសួងយុត្តិធម៌, ឯកឧត្តម ហួត វុទ្ធី អគ្គព្រះរាជអាជ្ញានៃមហាអយ្យការអមសាលាឧទ្ធរណ៍ត្បូងឃ្មុំ រួមទាំងចៅក្រម ព្រះរាជអាជ្ញា មន្រ្តីតុលាការ និងមន្ត្រីរាជការមួយចំនួនទៀត។ ឯកឧត្តម វង្ស ប៊ុនវិសុទ្ធ អតីតព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ត្រូវបានតែងតាំងជាព្រះរាជអាជ្ញានៃអយ្យការអមសាលាដំបូងខេត្តកំពង់ចាម​ ជំនួសឯកឧត្តម ច្រឹង ខ្មៅ ដែលត្រូវបានផ្ទេរទៅកាន់មុខតំណែងជាព្រះរាជអាជ្ញានៃអយ្យការអមសាលាដំបូងរាជធានីភ្នំពេញ តាមព្រះរាជក្រឹត្យ​លេខ នស/រកត/០៧២០/៧៦៩ ចុះថ្ងៃទី១៨ ខែកក្កដា ឆ្នាំ២០២០។ ថ្លែងក្នុងពិធីនេះ ឯកឧត្តមរដ្ឋមន្រ្តី បានសំដែងការកោតសរសើរ និងថ្លែងអំណរគុណ ជូនចំពោះឯកឧត្តម អ៊ុន […]

ព័ត៌មានជាតិ

គណៈកម្មការទី៨ នៃរដ្ឋសភាជួបពិភាក្សាការងារជាមួយរដ្ឋបាលខេត្តស្ទឹងត្រែង

ខេត្តស្ទឹងត្រែង ៖ គណៈកម្មការទី៨ នៃរដ្ឋសភា ដឹកនាំដោយលោកជំទាវ ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនិតិសម្បទា ការងារបណ្ដុះបណ្ដាលវិជ្ជាជីវៈនិងកិច្ចការនារី បានអញ្ជើញជួបប្រជុំ សំណេះសំណាល និងពិភាក្សាការងារជាមួយឯកឧត្តម ម៉ុម សារឿន អភិបាលនៃគណៈអភិបាលខេត្តស្ទឹងត្រែង។ កិច្ចប្រជុំនេះធ្វើឡើងនៅរសៀលថ្ងៃទី២៨ ខែកក្កដា ឆ្នាំ២០២០ នេះ ដើម្បីស្វែងយល់ពីស្ថានភាពអនុវត្តច្បាប់ និងគោលនយោបាយក្នុងវិស័យទទួលខុសត្រូវរបស់ខ្លួន នៅក្នុងដែនដីរដ្ឋបាលខេត្តស្ទឹងត្រែង។ ឯកឧត្តម ម៉ុម សារឿន អភិបាលខេត្តស្ទឹងត្រែង បានមានប្រសាសន៍ថា ខេត្តស្ទឹងត្រែងបានបន្តពង្រឹងពង្រីក និងលើកម្ពស់នៃការអភិវឌ្ឍន៍សង្គមកិច្ច ជីវភាពរស់នៅរបស់ប្រជាពលរដ្ឋ ក៏ដូចជាពង្រឹងការអភិវឌ្ឍន៍ស្ថាប័ន ការអនុវត្តគោលនយោបាយកំណែទម្រង់រដ្ឋបាល សាធារណៈ និងគោលការណ៍ដឹកនាំរបស់រាជរដ្ឋាភិបាល សម្រាប់ប្រយោជន៍សហគមន៍ និងប្រជាជនក្នុងមូលដ្ឋាន។ ឯកឧត្តមបន្តថា ក្នុងវិស័យនៃសមត្ថកិច្ចរបស់គណៈកម្មការទី៨ នៃរដ្ឋសភាខេត្តស្ទឹងត្រែង បានពង្រឹងវិស័យបម្រើសេវាថែទាំ និងព្យាបាលជំងឺបានយ៉ាងល្អប្រសើរ និងបានបណ្តុះបណ្តាលនិស្សិតក្នុងគិលានុបដ្ឋាក ទប់ស្កាត់ការប្រយុទ្ធប្រឆាងជំងឺកូវីដ-១៩ យ៉ាងមានប្រសិទ្ធភាព  ។ ក្នុងនោះ ខេត្តបានគ្រប់គ្រងមុxសញ្ញាបេឡាជាតិរបបសន្តិសុខសង្គមបាន៣៩៦នាក់ មានអ្នកក្នុងបន្ទុកចំនួន៤៣៩នាក់និងមុខសញ្ញាក្នុងបន្ទុក១៧៤០នាក់ ខេត្តអនុវត្តកម្មវិធីឧបត្ថម្ភសាច់ប្រាក់ជូនស្តី្រមានផ្ទៃពោះ កុមារក្រោម២ឆ្នាំ គ្រួសារក្រីក្រ និងងាយរងគ្រោះ ក្នុងអំឡុងកូវីដ-១៩ […]

ព័ត៌មានជាតិ

នាយឧត្តមសេនីយ៍សន្តិបណ្ឌិត នេត សាវឿន សម្រេចដាក់វិន័យនគរបាលខេត្តព្រៃវែង០៧នាក់ដែលប្រព្រឹត្តខុសវិន័យ

ភ្នំពេញ ៖ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិបានសម្រេចដាក់វិន័យកងកម្លាំងនគរបាលជាតិនៃស្នងការដ្ឋាននគរបាលខេត្តព្រៃវែង០៧នាក់ ដែលបានប្រព្រឹត្តខុសពីវិន័យ និងវិជ្ជាជីវៈកងកម្លាំងនគរបាលជាតិ ដោយផ្អាកការងារបណ្តោះអាសន្ន តាមសេចក្តីសម្រេចលេខ ៤៩០សសរ ចុះថ្ងៃទី២៧ ខែកក្កដា ឆ្នាំ២០២០ របស់អគ្គស្នងការដ្ឋាននគរបាលជាតិ។ ពាក់ព័ន្ធនឹងការសម្រេចដល់វិន័យចំពោះមន្ត្រីនគរបាលជាតិ នៃស្នងការដ្ឋាននគរបាលខេត្តព្រៃវែងដោយសារតែ ៖ ១.នៅរសៀលថ្ងៃទី២៦ ខែកក្តដា ឆ្នាំ២០២០ លោកឧត្តមសេនីយ៍ ព្រុំ សន្ធរ ស្នងការនៃស្នងការដ្ឋាននគរបាលខេត្តព្រៃវែង តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានចុះផ្ទាល់ដើម្បីធ្វើការសុំអភ័យទោស និងនាំយកថវិកាទៅប្រគល់ជូនក្រុមគ្រួសារទាំង០៦ ស្ថិតនៅភូមិអណ្តូង ឃុំមេសរប្រចាន់ ស្រុកពារាំង ខេត្តព្រៃវែង ដែលពាក់ព័ន្ធនឹងករណីនគរបាលខេត្តព្រៃវែងបង្រ្កាបអ្នកប្រើប្រាស់គ្រឿងញៀន រួចដោះលែងត្រឡប់ទៅផ្ទះវិញជាថ្នូរនិងការទទួលប្រាក់។ ២.កាលពីថ្ងៃទី២០ ខែកក្កដា វេលាម៉ោង ២០ និង ៣០នាទី កម្លាំងជំនាញនៃស្នងការដ្ឋាននគរបាលខេត្តព្រៃវែងបានបង្ក្រាបបទល្មើស ជួញដូរគ្រឿងញៀន នៅចំណុចមុខក្លោងទ្វាវត្តរោងដំរី ស្ថិតនៅភូមិ៦ សង្កាត់កំពង់លាវ ក្រុង-ខេត្តព្រៃវែង បានឃាត់ខ្លួនមុខសញ្ញាសង្ស័យប្រើប្រាស់គ្រឿងញៀនចំនួន០២នាក់ដោយអំពើហិង្សាកើតឡើងបង្កឲ្យមានរបួសស្នាម។ ហើយក្រោយមកបានប្រគល់ជនទាំង០២នាក់នោះឲ្យឱពុក-ម្តាយដើម្បីយកទៅគ្រប់គ្រង […]

ព័ត៌មានជាតិ

ប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរស័ក្តិជូនមន្ត្រីនគរបាលស្រុកតាំងគោក-ស្រុកបារាយណ៍

ខេត្តកំពង់ធំ ៖ ព្រឹកថ្ងៃទី២៨ ខែកក្កដា ឆ្នាំ២០២០នេះ លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និងលោក ហាក់ ម៉ុងហួត អភិបាលស្រុកតាំងគោក បានអញ្ជើញជាអធិបតីភាព ក្នុងពិធីប្រកាសផ្ទេរភារកិច្ចតែងតាំងមុខតំណែង បំពាក់ឋានន្តរស័ក្តិ ជូនមន្ត្រីនគរបាលជាតិ ចំណុះឲ្យអធិការដ្ឋាននគរបាលស្រុកតាំងគោក-ស្រុកបារាយណ៍ នៃស្នងការដ្ឋាននគរបាលខេត្តកំពង់ធំ។ មន្ត្រីនគរបាល ដែលត្រូវបានផ្ទេរភារកិច្ច តែងតាំងមុខតំណែងចំនួន១២នាក់ ស្រី០២នាក់ និងដំឡើងឋានន្តរសក្តិចំនួន ៣០ នាក់ .ថ្នាក់អនុសេនីយ៍ឯកចំនួន១០នាក់.ថ្នាក់អនុសេនីយ៍ទោចំនួន០៧ នាក់.ថ្នាក់អនុសេនីយ៍ត្រីចំនួន ០៨ នាក់.ថ្នាក់ព្រិន្ទបាលឯកចំនួន០៤ នាក់ ពលបាលទោចំនួន០១នាក់។ លោក ហាក់ ម៉ុងហួត អភិបាលស្រុកតាំងគោកបានសម្ដែងនូវការអបអរសាទរ ចំពោះបងប្អូនកងកម្លាំង ដែលទើបប្រកាសផ្ទេរ ភារកិច្ចតែងតាំងមុខតំណែង និងបំពាក់ឋានន្តរស័ក្តិ ជូនមន្ត្រីនគរបាលជាតិ ដែលមានស្នាដៃ ចំពោះការចូលរួម អនុវត្ត តួនាទី ភារកិច្ច និងការបំពេញ បេសកកម្ម ចំពោះ កិច្ចការងារ ការពារ ថែរក្សា សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ លោកអភិបាលស្រុកបានលើកឡើងនូវមតិផ្ដាំផ្ញើមួយចំនួនដើម្បីជាត្រីវិស័យចង្អុលបង្ហាញផ្លូវដល់កងកម្លាំង […]

ព័ត៌មានជាតិ

សមត្ថកិច្ច​ចុះ​ឡោមព័ទ្ធ​ទីតាំង​ក្លិប​ក​ម្សា​ន​មួយកន្លែង​ឃាត់ខ្លួន​ជិត​៣០០​នាក់​

  ភ្នំពេញ​៖​គណៈ​បញ្ជា​ឯកភាព​រាជធានី​ភ្នំពេញ​ដឹកនាំ​ដោយ​លោក​មាន​ចាន់​យ៉ា​ដា​អភិបាលរង​តំណាង​លោក​ឃួ​ង​ស្រេង​អភិបាល​រាជធានី​ភ្នំពេញ​។​លោក​ឧ​ត្ត​ម​សេនីយ៍​ទោ​សុង​លី​តំណាង​លោ​កស​ថេត​ស្នងការ​នករបាល​រាជធានី​ភ្នំពេញ​។​លោក​ម៉ូ​វ​ម៉ានិត​អភិបាលខណ្ឌ​សែន​សុខ​,​លោក​ហួរ​ម៉េង​វ៉ាង​អធិការនគរបាល​ខណ្ឌ​សែន​សុខ​។​ ​កាលពី​ម៉ោងជាង​១២​រំលងអធ្រាត្រ​ចូល​ថ្ងៃ​អង្គារ​ទី​២៨​ខែកក្កដា​ឆ្នាំ​២០២០​បាន​ចុះ​សមត្ថកិច្ច​ចុះ​ឡោមព័ទ្ធ​និង​បិទ​ក្លិប​កម្សាន្ត​មួយកន្លែង​យីហោ​(​ហ្គោល​ឡាញ​)​មាន​ទីតាំង​ស្ថិតនៅតាម​បណ្តោយ​ផ្លូវ​១៩៨៦​ស្ថិតក្នុង​សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ​។ ​លោក​មាន​ចាន់​យ៉ា​ដា​បានបញ្ជាក់​ថាៈ​ការចុះ​បិទ​ក្លិប​នេះ​គឺ​មិន​ស្តាប់​តាម​ការណែនាំ​របស់​រាជ​រដ្ឋាភិបាល​និង​មានការ​ស​ម្រ​ម​សម្រួល​ពី​លោក​សាយ​ណូ​រ៉ា​ព្រះ​រា​ជ្ញា​រ​រង​អម​សាលាដំបូង​រាជធានី​ភ្នំពេញ​។​ក្នុង​នោះបាន​ឃាត់​មនុស្ស​ប្រុស​ស្រី​រួមទាំង​បុគ្គលិក​និង​អ្នកបើក​បន្ទប់​សរុប​ជិត​៣០០​នាក់​បញ្ជូនទៅ​ស្នងការ​នគរបាល​រាជធានី​ធានី​ភ្នំពេញ​ដើម្បី​ចាត់ការ​តាមផ្លូវ​ច្បាប់​៕​