ខេត្តព្រះវិហារ៖កាលពីព្រឹកថ្ងៃទី១៦ធ្នូឆ្នាំ២០២០កម្លាំងខណ្ឌរដ្ឋបាលព្រៃឈើខេត្តសហការជាមួយផ្នែករដ្ឋបាលព្រៃឈើរវៀងបានឃាត់រថយន្ត១គ្រឿងម៉ាកតូយូតាហាយឡែនឌ័រដែលផ្ទុកឈើប្រណីតពេញ។សមត្ថកិច្ចបានឃាត់រថយន្តនេះត្រង់គីឡូម៉ែត្រលេខ៥៩ស្ថិតក្នុងភូមិរំចេកឃុំរមណីស្រុករវៀងខេត្តព្រះវិហារ។
លោកនួនសុខុមនាយខណ្ឌរដ្ឋបាលព្រៃឈើព្រះវិហារបានប្រាប់ឱ្យដឹងថាៈឈើដែលផ្ទុកនៅក្នុងរថយន្តហាយឡែនឌ័រ ពណ៌ទឹកប្រាក់ ពាក់ផ្លាកលេខ ភ្នំពេញ BC6332នោះគឺជាប្រភេទឈើប្រណិតធ្នង់។ប៉ុន្តែ មិនទាន់បានរាប់ចំនួនដុំនិងធ្វើការវាស់វែងនៅឡើយទេ។
វត្ថុតាងបទល្មើសទាំងនេះនឹងត្រូវកសាងសំណុំរឿងចាត់ការតាមច្បាប់ជាធរមាន។ចំពោះវត្ថុតាងត្រូវបាននាំយកមករក្សាទុកនៅសង្កាត់រដ្ឋបាលព្រៃឈើរវៀង ដើម្បីចងក្រងសំណុំរឿង ចាត់ការតាមច្បាប់៕