ខេត្តស្វាយរៀង៖លោកអ៊ូសាខឿនប្រធានមន្ទីរការងារនិងបណ្តុះបណ្តាលនិងវិជ្ជាជីវៈខេត្តបានប្រាប់ឱ្យដឹងថាកម្មការិនីនៅតំបន់សេដ្ឋកិច្ចពិសេសស្វាយរៀងហ្គីហ្គារីសល៍៤៣នាក់ដែលដួលសន្លប់កាលពីថ្ងៃទី៥ខែមិថុនាឆ្នាំ២០២០នោះបានធូរស្បើយចូលធ្វើការវិញខ្លះហើយ។តែនៅព្រឹកនេះ(ទី៦មិថុនា)មានកម្មការិនី៦នាក់បន្តសន្លប់ដោយក្រុមការងារកំពុងបញ្ជូនទៅសង្គ្រោះនៅមន្ទីរពេទ្យ។
លោកអ៊ូសុខឿនបានបន្តថាការដែលនាំកម្មការិនីសន្លប់នេះដោយសារកម្មការិនីម្នាក់មិនស្រួលខ្លួនទៅកោសខ្យល់នៅក្បែរបន្ទប់ទឹកពេលមកវិញមានអាការៈទន់ដៃទន់ជើង។កម្មករដ៏ទៃទៀតឃើញដូច្នេះក៏សន្លប់តៗគ្នាទៅហើយនេះគ្រាន់តែជាព័ត៌មានបឋម។រង់ចាំលទ្ធផលកាអង្កេតត្រួតពិនិត្យវាយតម្លៃពីគណៈកម្មការជាតិស្តីពីការទប់ស្កាត់ករណីសន្លប់តាមរោងចក្រនៅថ្នាក់ក្រសួង។
សូមបញ្ជាក់ថាកាលពីថ្ងៃទី៥ខែមិថុនាឆ្នាំ២០២០ម្សិលមិញនៅក្នុងតំបន់សេដ្ឋកិច្ចពិសេសស្វាយរៀងហ្គីហ្គារីសស្ថិតនៅភូមិដើមពោធិ៍ឃុំកណ្តៀងរាយស្វាយទាបខេត្តស្វាយរៀងមានកម្មការិនីចំនួន៤៣នាក់បានដួលសន្លប់ជាបន្តបន្ទាប់។ដោយតាមការអះអាងពីប្រភពខ្លះថាបណ្តាលមកពីមូលហេតុធំក្លិនស្អុយថ្នាំនៅជាប់ខ្សែភ្លើងនិងខ្វះខ្យល់អុកស៊ីស៊ែនបង្កឲ្យកម្មការនីណែនទ្តូងពិបាកដកដង្ហើមបណ្តាលឲ្យដួលសន្លប់តែម្តង៕
